OS-X




(por Makintoŝo)


Krozu al Esperanto Keyboard for Mac kaj elŝutu la dosierojn por la esperanta klavararanĝo. Plenumu la instrukciojn en tiu paĝo por aldoni la esperantajn signojn al via kutima aranĝo. La menuaj nomoj eble varias iom laŭ versio de OS-X. Poste alklaku ĉe la klavararanĝa bildsimbolo, eta flago en la supra dekstra ilbreto, kaj elektu la esperantan flagon. Vi tiam povas tajpi la ĉapelitajn literojn per la Alt/option-klavo kaj la rilata litero, kun Shift (Maj) por majuskloj. La bildoj en la menciita retpaĝo klare montras kiujn klavojn uzi. Notu ke ĝi ankaŭ agordas kvar mortajn klavojn, kiuj eble utilos por tajpi iujn aliajn lingvojn.

Internacia klavaro kun mortaj klavoj


Se via ĉefa lingvo estas la angla, sed vi volas tajpi en Esperanto kaj en aliaj latinbazitaj lingvoj, vi povas elekti la klavararanĝon "U.S. Extended” (Usona etendita). Elektu menuerojn System Preferences (Sistemaj preferoj), Language & Text (Lingvo kaj teksto), Input Sources (Enigaj fontoj), marku je “U.S. Extended”, Close (Fermi). Aliaj aranĝoj ankaŭ taŭgas, ekzemple Finnish Extended (Finna etendita) por la finna kaj la sveda lingvoj kun Esperanto.
Por tajpi la ĉapelitajn literojn, tenu la alt/option-klavon kaj premu la klavon de ĉapelo (6 aŭ B) kaj tiam la klavon de la litero. Ekzemple for Ĝ: alt 6 kaj tiam shift (maj) G. Por ŭ: alt B kaj tiam U. Same por la aranĝo Irish Extended (Irlanda etendita). Ĉe la Finna alt-Y por la hoketo.


La teda metodo: enigi signon


Diversaj programoj ĉe Makintoŝo havas similajn metodojn enigi signojn ne rekte disponeblajn ĉe via klavaro. Ekzemple en TextEdit, por enigi ĉapelitan literon ĉe la kursoro, elektu la menuon Edit (redakti) > Special characters (specialaj signoj), elektu je View (Vidigi): Roman; Category: Accented Latin, kaj duoble alklaku al la dezirata signo en la tabelo de signoj.
En LibreOffice aŭ OpenOffice elektu menueron Edit (Redakti) > Special Character (Speciala signo), elektu subaron Latin Extended-A, kaj duoble alklaku al la dezirata signo.