Novaĵoj‎ > ‎

Satelitoj kaj datumbazoj, teleskopo kaj kosmostacio, steloj kaj konstelacioj...

posted Feb 25, 2014, 4:23 PM by NZEA web2
Ĵus ekfunkciis la Esperanta fasado de la populara astronomia retejo 
Heavens-Above.com. La aŭtoro de la Esperanta traduko estas la ukrainia 
esperantisto kaj amatora astronomo Pavel Moĵajev, kiu uzas la paĝaron precipe 
por trovi la situon de artefaritaj satelitoj! - En intervjuo de Libera Folio li 
rakontas, kial li entreprenis la taskon, kaj por kio la Esperanta versio povas 
utili...

La tuta artikolo estas legebla ĉe:
http://www.liberafolio.org/2014/la-universo-nun-alireblas-en-esperanto

La retejo estas tre interesa, la Esperanta teksto tre bonkvalita, kaj la bildoj 
okullogaj. Pavel Moĵajev cetere estas multflanka homo: kirurgo en hospitalo, 
preleganto en universitato, muzikisto-gitaristo-kantisto, verkinto de la 
Esperanta muzikdisko: Pluke-Traduke, kaj unu el la junaj membroj de la Akademio 
de Esperanto...

Pri aliaj astronomiaj temoj kolekto de artikoloj estas legebla ĉe Scienca kaj 
Teknika Esperanto-Biblioteko, http://www.eventoj.hu/steb/

--------------------------------------------------------------------------------

*Ĉu granda aŭ malgranda? - Tio estas certe absolute relativa!*

Interaktiva prezento pri la nocioj amplekso, distanco, kaj pri la relativeco de 
grandeco estas spektebla ankaŭ en Esperanto ĉe: 
http://htwins.net/scale2/lang.html - *Indas rigardi kaj mem provi!* Per la muso 
movu la glitilon dekstren kaj maldekstren...

La Esperantan tradukon faris Angel Segura Peralta. - Dankon!

Laŭ informo de László Szilvási, (Ret-Info)

Komentu, aldonu vian opinion ĉe : http://www.facebook.com/Ret.Info

Comments